Canzone Appassiunata

Enzo Gragnaniello

Compositor: Não Disponível

N'albero piccerillo aggiu piantato,
Criscènnolo cu pena e cu sudore...
Na ventecata giá mme ll'ha spezzato
E tutte ffronne cágnano culore...
Cadute só' giá 'e frutte: e tuttuquante,
Erano doce, e se só' fatte amare...
Ma 'o core dice: "oje giuvinotto amante,
'e ccose amare, tiénele cchiù care..."

E amara comme si', te voglio bene!
Te voglio bene e tu mme faje murí...

Era commo canario 'nnammurato,
Stu core che cantaje matina e sera...
"scétate!" io dico e nun vò' stá sceta
E mo, nun canta manco a primmavera!...
Chi voglio bene nun mme fa felice:
Forse sta 'ncielo destinato e scritto.
Ma i' penzo ca nu ditto antico dice:
"nun se cummanna a 'o core". e i' mme stó' zitto!...
E mme stó' zitto,

Sí...te voglio bene...
Te voglio bene e tu mme faje murí..

Chiagno p'ammore, e cade 'o chianto mio
Dint'a 'sta testa: 'o chianto 'a sta ar lacquanno...
Schiòppa na bella rosa e i', pe' gulio,
A chi mm'ha fatto chiagnere nce 'a manno.
Lle dico: "rosa mia tu mme perduone
Si te scarpesarrá senza cuscienza..."
Ce sta nu ditto ca mme dá ragione:
"fa' bene e scorda e si faje male penza..."

Pènzace buono sí...te voglio bene...
Te voglio bene e tu mme faje murí...
Te voglio bene!
Te voglio bene e tu mme faje murí...

Te voglio bene!
Te voglio bene e tu mme faje murí...

©2003- 2024 lyrics.com.br · Aviso Legal · Política de Privacidade · Fale Conosco desenvolvido por Studio Sol Comunicação Digital